Sino nga ba ako, 

Ako na patuloy na  naghihintay 

At umaasang mahalin mo,

Ako na sa tuwing sasapit ang gabing mapanglaw 

Tanging larawan mo lang ang aking tinatanaw. 

Sino nga ba ako, 

Ako na ang tanging hangad ay ang kaligayahan mo 

At patuloy sa pag-unawa sa mga pagkukulang mo, 

Ako na laging kampante at naghihintay na masuklian mo

Nang kahit kaunting baryang mula sa puso mo 

Ang laksa-laksang pagmamahal na binigay ko na sa iyo. 

SINO NGA BA AKO?